गोव्यात कॅश फॉर जॉब घोटाळ्यात आता आणखी एका नव्या प्रकरणाची भर पडली. या प्रकरणात चक्क एका निवृत्त पोलीस उपनिरीक्षकालाच लक्ष्य करण्यात आले असून, फोंडा पोलिसांनी गुरुवारी रात्री उशिरा दोन संशयित आरोपींविरुद्ध फसवणुकीचा गुन्हा दाखल केला. आपल्या मुलाला पोलीस दलात पीएसआयची नोकरी लावून देण्याच्या बहाण्याने एका निवृत्त पोलीस अधिकाऱ्याला तब्बल 10 लाखांचा गंडा घातल्याचे समोर आले.