Pramod Sawant:

भाजप गोवा मुख्यालय इमारतीची पायाभरणी केंद्रीय मंत्री तथा भाजपचे राष्ट्रीय अध्यक्ष जे. पी. नड्डा यांच्या हस्ते करण्यात येणार आहे. मुख्यमंत्री डॉ. प्रमोद सावंत आणि भाजप प्रदेशाध्यक्ष सदानंद शेट तानावडे यांनी नड्डा यांना यासाठीचे निमंत्रण दिले. पणजी-जुने गोवे बगल रस्त्यालगत बांधण्यात येणाऱ्या इमारतीची पायाभरणी याच महिन्यात केली जाणार आहे. मुख्यमंत्री आज दिल्लीला रवाना झाले होते. मुख्यमंत्र्यांनी आपली दिल्ली भेट पूर्वनियोजित होती, असे सांगितले. लोकसभा निवडणुकीनंतर नड्डा यांच्याशी सविस्तर चर्चा झाली नव्हती. ती करण्यासाठी नड्डा यांची भेट घेतली. तानावडे हे संसदेचे अधिवेशन असल्याने तेही दिल्लीत होते, ते बैठकीत सहभागी झाले. अशी माहिती प्रमोद सावंत यांनी दिली.