राज्यात गेल्या दोन महिन्यात पावसानं हाहाकार माजवला. सातत्याने कोसळणाऱ्या सरींनी अवघे जनजीवन विस्कळीत झाले. या पावसामुळे शेतकऱ्यांच्या पिकांचे मोठे नुकसान झाले. उभी पिकं पावसात वाहून गेली. आता शेतकऱ्यांना देण्यात येणाऱ्या नुकसान भरपाईवरुन राजकारण सुरु झालं आहे. राज्य सरकार शेतकऱ्यांना नुकसान भरपाई देण्यासाठी चालढकल करत असल्याचा आरोप विरोधकांकडून करण्यात आला. सरकारने तात्काळ शेतकऱ्यांना नुकसान भरपाई द्यावी अशी मागणी आता मांद्रेचे आमदार जील आरोलकर यांनी सभागृहात केली. आरोलकर यांच्या या मागणीवर लगेच राज्याचे कृषीमंत्री रवी नाईक शेतकऱ्यांना सरकार लवकरच नुकसान भरपाई देईल असे सांगितले.