गोवा विधानसभेचे सध्या पावसाळी अधिवेशन सुरु आहे. अधिवेशनादरम्यान आमदार आलेक्स रेजिनाल्ड यांनी राज्यातील वाढत्या सायबर गुन्हेगारीचा मुद्दा उपस्थित केला. अशा प्रकारच्या गुन्हेगारीला आळा घालण्यासाठी सरकार काय प्रयत्न करतेय? असा सवाल यावेळी रेजिनाल्ड यांनी केली. त्यावर राज्याचे मुख्यमंत्री डॉ. प्रमोद सावंत सविस्तर उत्तर दिले. सावंत म्हणाले की, ''होय, मागील काही वर्षात राज्यात सायबर गुन्हेगारीचे प्रमाण वाढले आहे. मात्र याला आळा घालण्यासाठी आम्ही सायबर गुन्हे विभाग अधिक सक्षम करत आहोत. याशिवाय, अत्याधुनिक यंत्रणा वापरात आणणार आहोत. आतापर्यंत सायबर गुन्ह्यात गेलेले 3.5 कोटी रुपये परत आणण्यात सायबर विभागाला यश आले आहे.''