आजपासून (15 जुलै) गोवा विधानसभेच्या पावसाळी अधिवेशनाला सुरुवात झाली. विरोधकांनी पहिल्याच दिवशी सत्ताधारी पक्षाला राज्यातील अनेक प्रश्नांवरुन फैलावर घेतले. मग यामध्ये गेल्या काही दिवसांपासून गाजत असलेले आसगाव घर मोडतोड प्रकरण असो की मग सरकारचा इतर कामातील हालगर्जीपणा असो... यातच, गोवा फॉरवर्ड पक्षाचे सर्वेसर्वा आणि आमदार विजय सरदेसाई आणि कार्लुस फेरेरा यांनी पत्रकार परिषद घेऊन सावंत सरकारचा चांगलाच समाचार घेतला. सरदेसाई म्हणाले की, आमच्या प्रश्नांमुळे सरकारचे पितळ उघडं पडेल या भितीपोटी सभागृहात प्रश्नोत्तराचा तास सरकारने शिताफीने रद्द केला. तर आमदार कार्लुस फेरेरा यांनीही पत्रकार परिषदेतून सरकारवर सडकून टीका केली.