फोंडा: फर्मागुडी येथील जीव्हीएम सर्कलजवळ एका कार आणि स्कूटर यांच्यात झालेल्या अपघातात प्रमिला नाईक (५०, फर्मागुडी) ही नर्स जखमी झाली. अधिक उपचारासाठी त्यांना गोमेको (GMC) रुग्णालयात दाखल करण्यात आले आहे. दोन्ही वाहने फर्मागुडीहून फोंडा येथे जात असताना जीव्हीएम सर्कलजवळ त्यांची एकमेकांना धडक बसली. या अपघातात स्कूटर चालक असलेल्या महिला गंभीर जखमी झाली. फोंडा पोलिसांनी घटनास्थळी येऊन अपघाताचा पंचनामा केला असून, पुढील तपास सुरू आहे.