राज्यात अपघाताचं सत्र काही केल्या थांबायचं नाव घेत नाहीये. सातत्याने अपघाताच्या घटना समोर येतायेत. काही दिवसांपूर्वी, डिचोली येथून भीषण अपघाताची घटना समोर आली होती. ज्यामध्ये तीन जणांना जीवाला मुकावे लागले होते. आता अशीच अपघाताची घटना साखळीमधून समोर आली आहे. साखळी येथे कारचा भीषण अपघात झाला. ज्यामध्ये पाच जण गंभीर जखमी झाले. स्थानिकांनी तात्काळ घटनास्थळी पोहोचून जखमींना रुग्णालयात पोहोचवले. जखमींवर सध्या डॉक्टर उपचार करतायेत. तर दुसरीकडे, पोलिसांनी घटनास्थळी पोहोचून पंचनामा केला.