गवंडाळी: गोव्यात सध्या रस्ते वाहतुकीत मोठे बदल होत आहेत. जुन्या मांडवी आणि जुवे पुलापाठोपाठ आता धावजे रेल्वे रस्ता देखील बंद करण्यात आला आहे. धावजे येथे बहुप्रतीक्षित रोड ओव्हरब्रिजचे बांधकाम सुरू असल्याने हा मार्ग बंद ठेवण्यात आलाय. धावजे रेल्वे क्रोसिंगवरील ओव्हरब्रीजच्या बांधकामासाठी मासेमारी प्रशिक्षण केंद्र ते धेंपो फुटबॉल ग्राउंडपर्यंत गवंडाळी रस्ता २५ फेब्रुवारी २०२५ ते १९ जानेवारी २०२६ या कालावधीत वाहतुकीसाठी बंद ठेवण्यात येणार आहे.

या मार्गाचा दैनंदिन वापर करणाऱ्या प्रवाशांसाठी ही बातमी अत्यंत महत्वाची आहे. गोवा साधनसुविधा विकास महामंडळाकडून जनहितासाठी माहिती जारी करण्यात आली आहे. खास करून साखळी, डिचोली आणि वाळपई इथे प्रवास करणाऱ्या प्रवाशांनी या बातमीची नोंद घेणं महत्वाचं असणार आहे. हा रास्ता बंद असल्या कारणाने वाहतूक भाणस्तारी रस्त्यावरून किंवा खोर्ली आयडीसी रस्त्यावर वळवली जाईल, मात्र या पर्यायी रस्त्यांवरून केवळ हलक्या वाहनांनाच ये-जा करण्याची परवानगी देण्यात आली असल्याची नोंद घेणं महत्वाचं आहे.