गोव्याच्या गणेशोत्सवाला एक आगळेवेगळे महत्त्व आहे. इथली माटोळी ही एक खास ओळख आहे. यावर्षीही गोव्यात सर्वत्र माटोळीची परंपरा मोठ्या उत्साहात पाळली जात आहे. याच माटोळीच्या परंपरेला पिळये-धारबांदोडा येथील एका भक्ताने एक वेगळी आणि देशभक्तीची जोड दिली आहे. देऊ शेटकर नावाच्या या तरुणाने आपल्या घरात साकारलेली माटोळी सध्या चर्चेचा विषय बनली आहे. त्यांनी आपल्या माटोळीत 'ऑपरेशन सिंदूर'ची आकृती साकारुन देशाप्रती आपली श्रद्धा आणि कलात्मकता दर्शवली आहे.