बॉलीवूडमधील ज्येष्ठ आणि लाडके अभिनेते ज्यांना त्यांचे चाहते प्रेमाने 'ही-मॅन' म्हणून ओळखत होते, त्या धर्मेंद्र यांचे वयाच्या 89व्या वर्षी निधन झाले आहे. सोमवार, 24 नोव्हेंबर 2025 रोजी त्यांनी मुंबईत अखेरचा श्वास घेतला. गेल्या काही दिवसांपासून ते वयोमानानुसार येणाऱ्या आजारांनी त्रस्त होते. या महिन्याच्या सुरुवातीला त्यांना मुंबईतील ब्रीच कँडी रुग्णालयात दाखल करण्यात आले होते. उपचारानंतर त्यांना डिस्चार्जही मिळाला होता, मात्र त्यांची प्रकृती पुन्हा खालावली. धर्मेंद्र यांच्या निधनाच्या बातमीने संपूर्ण चित्रपटसृष्टी आणि चाहत्यांना मोठा धक्का बसला असून बॉलीवूडमधील एका तेजस्वी युगाचा अंत झाल्याची भावना व्यक्त होत आहे.