गोवा विधानसभा निवडणूक 2027 तयारी भाजपने आतापासूनच सुरु केली आहे. राज्यात पुन्हा एकदा सत्ता मिळवण्यासाठी भाजपने प्रदेशाध्यक्ष दामू नाईक यांच्या नेतृत्वाखाली रणनिती आखायला सुरुवात केली आहे. गोवा विधानसभेच्या 40 जागा आहेत. त्यापैकी 27 जागा मिळवण्याचे लक्ष्य भाजपने ठेवले असल्याची माहिती खुद्द प्रदेशाध्यक्ष दामू नाईक यांनी दिली. नाईक एका कार्यक्रमात बोलत होते. जिथे त्यांनी केलेल्या भाषणातून पक्षाची भूमिका स्पष्ट केली. भाजप आगामी विधानसभा निवडणुकीत पूर्ण शक्तीनिशी राजकीय मैदानात उतरेल, असेही ते पुढे बोलताना म्हणाले. दरम्यान, विरोधी पक्षांनीही आगामी विधानसभेची तयारी सुरु केली आहे. भाजपचा विजयी रथ रोखण्यासाठी विरोधकांनीही कंबर कसली आहे. मात्र भाजप विरोधकांना पुन्हा एकदा शिकस्त देवून सत्ता मिळवणार असा विश्वास नाईक यांनी व्यक्त केला.