राज्यात गेल्या दोन दिवसांपासून ज्ञानपीठ पुरस्कार विजेते तथा कोकणी लेखक दामोदर मावजो यांनी केलेल्या वक्तव्यावरुन चांगलचं रान पेटले आहे. मराठी प्रेमी जनतेने मावजो यांच्या विरोधात निषेध रॅली काढली. मावजो यांनी तात्काळ मराठी जणांची माफी मागावी अशी मागणी मराठीप्रेमी जनतेकडून करण्यात आली आहे. जर त्यांनी माफी मागितली नाही तर त्यांची जागा त्यांना दाखवली जाईल असा सज्जड दमही देण्यात आलाय. म्हापसा येथील छत्रपती शिवाजी महाराज यांच्या पुतळ्याजवळ दामोदर मावजो यांच्या निषेध सभेत बोलताना प्रत्येकजण हातात दामोदर मावजो यांचा निषेध असो असे फलक घेऊन उभे होते. म्हापशासह राज्यातील विविध मराठी संस्थांकडून मावजोंच्या भाषाद्वेषी वक्तव्याचा निषेध व्यक्त करण्यात आला.