राज्यात सध्या सनबर्न फेस्टिव्हलच्या आयोजनावरुन वातावरण चांगलेच तापले आहे. दक्षिण गोव्यातील गावांनी या फेस्टिव्हलला कडाडून विरोध केला आहे. दरवर्षी उत्तर गोव्यात सनबर्न फेस्टिव्हलचे आयोजन केले जाते. मात्र आयोजकांनी सनबर्नचे ठिकाण बदल्याने वातावरण तापले. काही दिवसांपूर्वी सनबर्न फेस्टिव्हलच्या माध्यमातून दक्षिण गोव्यात सरकार ड्रग्ज कल्चर आणू पाहत असल्याचा आरोप गोवा फॉरवर्ड पक्षाचे आमदार विजय सरदेसाई यांनी केला होता. याचदरम्यान, आता दाजी साळकर यांनी सनबर्नच्या विरोधावर जनतेसोबत असल्याचे वक्तव्य केले. जनतेलाच सनबर्न नको आहे. त्यामुळे माझाही सनबर्नला विरोध असेल, असे साळकर म्हणाले.