Curti Khandepar Water Pipeline Burst

फोंडा: कुर्टी-खांडेपार महामार्गावर केरये येथे रस्त्याचे काम सुरू असताना अवजड मशिनरीमुळे मुख्य जलवाहिनी फुटल्याने लाखो लिटर पाणी वाहून वाया गेले. मंगळवार, १० रोजी दुपारी ही घटना घडली.

मशिनद्वारे रस्त्याचे काम करताना ही जलवाहिनी फुटली. उशिरा ही जलवाहिनी बंद करण्यात आली. मात्र, मुख्य रस्त्याच्या कडेला जलवाहिनी फुटल्याने उडणाऱ्या भल्या मोठ्या पाण्याच्या कारंजामुळे विशेषतः दुचाकीस्वारांना त्रास सहन करावा लागला.

दरम्यान, राज्यात विविध ठिकाणी सुरू असलेल्या खोदकामांमुळे आणि पाणीपुरवठा विभागाच्या दुर्लक्षामुळे अशाप्रकारे लाखो लिटर पाणी वाया जात आहे. अशा घटनांकडे लक्ष देऊन प्रशासनाने त्वरित कारवाई आणि उपाययोजना काराव्यात अशी मागणी होत आहे.