कुडचडे येथील शेलवण भागात कार आणि डंपर यांच्यात भीषण अपघात झाला. या अपघातात कार चालकाला डोक्याला गंभीर दुखापत झाली असून त्याची प्रकृती चिंताजनक आहे. मिळालेल्या माहितीनुसार, शेलवण येथील मुख्य रस्त्यावर कार आणि डंपरची जोरदार धडक झाली. धडक इतकी भीषण होती की कारच्या दर्शनी भागाचा चक्काचूर झाला. अपघातानंतर स्थानिक नागरिकांनी तातडीने मदतीसाठी धाव घेतली आणि गंभीर जखमी चालकाला उपचारासाठी जवळच्या रुग्णालयात दाखल केले. घटनेची माहिती मिळताच पोलिसांनी घटनास्थळी पोहोचून पंचनामा केला आहे. या अपघातामुळे काही काळ वाहतूक विस्कळीत झाली होती. पोलीस सध्या या प्रकरणाचा अधिक तपास करत आहेत.