दावकोण नदीत मगरीने वासरावर हल्ला केल्याची घटना समोर आली आहे. अलीकडेच सातोण, दाभाळ येथील दूधसागर नदीवर कपडे धुवायला गेलेल्या महिलेवर दोन मगरींनी हल्ला केला होता. त्या घटनेनंतर अवघ्या काही दिवसांतच ही दुसरी घटना घडल्याने नागरिकांमध्ये भीतीचे वातावरण आहे. वनविभागाने या भागात सतर्कतेचा इशारा दिला आहे. स्थानिकांनी नदीकाठी जाणे टाळावे, असे आवाहन प्रशासनाने केले आहे. गोव्यातील नद्या आणि खाड्यांमध्ये मगरींची संख्या वाढत असल्याचे निरीक्षण नोंदवले जात असून मानव-मगर संघर्षाची शक्यता अधिक वाढली आहे. संरक्षणासाठी आवश्यक उपाययोजना करण्याची मागणी स्थानिकांकडून होत आहे.