गोव्याच्या राजकारणात वेगाने हालचाली पाहायला मिळत आहे. गेल्या काही दिवसांपासून मंत्रीमंडळ रचनेचा मुद्दा गाजत आहे. मंत्रीमंडळ रचनेनंतर कोणाच्या गळ्यात मंत्रीपदाची माळ पडणार अशी चर्चा सुरु झाली आहे. दुसरीकडे, सरकारवरील नाराजी देखील वाढली आहे. आमदारांमध्ये अंतर्गत धूसफूस असल्याची माहिती आहे. मंत्रीमंडळ फेररचनेत मंत्री गोविंद गावडे यांना डच्चू मिळू शकतो अशी चर्चा सुरु आहे. मात्र मुख्यमंत्र्यांनी या साऱ्या घडामोडीवर आतापर्यंत भाष्य करणं टाळलं आहे. व्हिडिओमध्ये तुम्ही पाहू शकता की, मुख्यमंत्री कोणत्याही प्रश्नाला उत्तर न देता निघून जाताना दिसतायेत.