सर्वोच्च न्यायालयाचे सरन्यायाधीश डॉ. डी.वाय. चंद्रचूड आज (19 ऑक्टोबर) गोव्याच्या दौऱ्यावर होते. सरन्यायाधीशांनी राज्याचे मुख्यमंत्री डॉ. प्रमोद सावंत यांच्या उपस्थितीत मेरशी येथील जिल्हा व सत्र न्यायालयाच्या संकुलाचे उद्धाटन केले. त्यानंतर त्यांनी राज्यपाल श्रीधरन पिल्लई यांच्या उपस्थितीत पुस्तक प्रकाशन सोहळ्याला हजेरी लावली. आपल्या भाषणादरम्यान, सरन्यायाधीशांनी गोवा हे जगाचे आर्थिक केंद्र बनू शकते यावर प्रकाश टाकला. आर्बीट्रेशन केंद्रासारख्या माध्यमातून जागतिक स्तरावरील आर्थिक केंद्र बनण्याची गोव्याकडे क्षमता असल्याचे सरन्यायाधीशांनी नमूद केले.