गोव्यात राज्यभरात नाताळा मोठ्या उत्साहात साजरा करण्यात आला. कॅथलिक बांधवांनी मोठ्या उत्साहाने विविध कार्यक्रमात भाग घेऊन सणाचा आनंद द्विगुणित केला. नाताळ निमित्ताने देशी - विदेशी पर्यटकांनी देखील राज्यात हजेरी लावली आहे.

नाताळच्या निमित्ताने राज्यातील सर्व चर्चवर विद्युत रोषणाई करण्यात आली होती. तर, चर्चच्या आवारात आकर्षक गोठे तयार करण्यात आले होते. तसेच, घरात देखील कॅथलिक बांधवांनी गोठे तयार केले होते. यानिमित्ताने गोडधोड पदार्थ करण्यात आले होते.