वाळपई: चोर्ला घाटात गुरुवारी दुपारी घडलेल्या एका भीषण स्वयंअपघातात कारचे मोठ्या प्रमाणावर नुकसान झाले असून, चालक अर्जुन म्हाऊसकर (रा. धामशे, सत्तरी) हे किरकोळ जखमी झाले आहेत. सुदैवाने या अपघातात कोणतीही जीवितहानी झाली नाही.

प्राप्त माहितीनुसार, अर्जुन म्हाऊसकर हे (जीए ०४ ई ६२९२) या कारने बेळगावहून गोव्याच्या दिशेने येत होते. चोर्ला घाटातील एका तीव्र वळणावर उतारावर पोहचल्यावर वाहनावरील ताबा सुटल्याने गाडी रस्त्याच्या बाजूला पलटी झाली. अपघातावेळी चालक गाडीखाली अडकले होते, मात्र तेथे उपस्थित असलेल्या नागरिकांनी तत्काळ धाव घेत त्यांना बाहेर काढले.