Cutbona Mobor Jetty Cholera Cases Aleixo Sequeira Meeting

कुटबण जेटीवरील कॉलरा रुग्ण आणि स्वच्छतेची समस्या नियंत्रणाखाली आहे. मागील काही दिवसांपासून जी गंभीर परिस्थिती होती ती परत उद्‌भवू नये म्हणून आम्ही प्रयत्न करीत असल्याचे पर्यावरणमंत्री आलेक्स सिक्वेरा यांनी पत्रकारांना मडगाव येथे सांगितले.कुटबण जेटीवर ५० शौचालये बांधायची आहेत. सध्या तिथे ३० शौचालये कार्यरत आहेत. मात्र, बोट मालक संघटनेचे पदाधिकारी शौचालये कमी करण्यास सांगत आहेत. त्यासाठी आपण मुळीच राजी नाही. जे मजूर काम करतात त्यांची देखभाल करण्याची, त्यांना मूलभूत सुविधा उपलब्ध करून देण्याची जबाबदारी बोट मालकांची असल्याचे मंत्री सिक्वेरा यांचे म्हणाले. स्वच्छता व शौचालयासाठी एकदम १० लाख रुपये गोळा करणे शक्य नाही. त्यामुळे आम्ही शौचालयांची संख्या कमी करण्याची विनंती मंत्र्यांकडे केली. मात्र, ते त्यासाठी राजी नाहीत. जर शौचालये एक तृतीयांश कमी केली तर आम्हाला ७ लाख रुपये भरावे लागतील, असे बोट मालक संघटनेचे सेबी फर्नांडिस यांनी सांगितले.