दक्षिण गोव्यातील (South Goa) चिंचणी (Chinchinim) येथे एका घरात घरफोडी (House Theft) झाल्याची घटना समोर आली आहे. चोरट्यांनी घरातून तांब्याच्या वस्तू चोरून नेल्या आहेत. पोलिसांनी दिलेल्या माहितीनुसार, ही घरफोडी सोमवारी (28 जुलै 2025) रात्रीच्या सुमारास घडली असावी. घराचे मालक बाहेरगावी गेले असताना चोरट्यांनी घराचा कडी-कोयंडा तोडून आत प्रवेश केला. घरातून नेमक्या किती किमतीच्या तांब्याच्या वस्तू चोरीला गेल्या आहेत, याचा तपशील अद्याप समोर आलेला नाही, मात्र पोलिसांनी पंचनामा करुन पुढील तपास (Investigation) सुरु केला आहे. या घटनेमुळे चिंचणी परिसरात भीतीचे वातावरण निर्माण झाले असून, नागरिकांनी आपल्या घरांची काळजी घेण्याचे आवाहन पोलिसांनी केले आहे.