राज्यात सध्या कॅश फॉर जॉब प्रकरणावरुन राजकीय वादंग माजला आहे. विरोधकांनी सत्ताधारी सावंत सरकारला निशाण्यावर घेतले आहे. या प्रकरणात सरकारी अधिकाऱ्यांसह सावंत सरकारमधील मंत्री आणि आमदारांचाही हात असल्याची टीका कॉंग्रेस नेते कार्लुस फेरेरा यांनी केली. फेरेरा यांनी आज (9 नोव्हेंबर) कॉंग्रेस प्रदेशाध्यक्ष अमित पाटकर यांच्या उपस्थितीत पत्रकार परिषद घेवून सावंत सरकारचा समाचार घेतला. आम्ही गेल्या काही दिवसांपासून या प्रकरणाच्या न्यायालयीन चौकशीची मागणी करत आहोत, मात्र सरकार सोसीस्कररित्या दुर्लक्ष करत असल्याचा घणाघातही फेरेरा यांनी केला.