राज्यात सध्या कॅश फॉर जॉब प्रकरणावरुन राजकीय घमासान पाहायला मिळत आहे. विरोधक सातत्याने सावंत सरकारवर निशाणा साधत आहेत. उच्च न्यायालयाच्या निवृत्त न्यायाधीशांच्या अध्यक्षतेखाली या प्रकरणाची न्यायालयीन चौकशी करण्यात यावी अशी विरोधकांकडून केली जात आहे. यातच आज (9 नोव्हेंबर) कॉंग्रेस नेत्यांनी पत्रकार परिषद घेवून सावंत सरकारवर हल्लाबोल केला. तर आता भाजपकडूनही विरोधकांनी जोख प्रत्युत्तर दिलं जात आहे. भाजप नेते यतिश नाईक यांनीही पत्रकार परिषद घेवून विरोधकांचे आरोप खोडून काढले. नाईक म्हणाले की, कॅश फॉर जॉब घोटाळ्यात गुंतलेल्या लोकांचा सरकारने पर्दाफाश केला आहे. या प्रकरणात कोणालाही सोडले जाणार नाही, असेही मुख्यमंत्र्यांनी सांगितले आहे.