राज्यात सध्या पूजा नाईक प्रकरण चांगलंच गाजत आहे. सरकारी नोकऱ्यांचे आमिष दाखवून पूजाने कित्येकांना लाखोंचा गंडा घातला. विशेष म्हणजे, पूजाला या सगळ्यामध्ये दोन सरकारी अधिकाऱ्यांनी मदत केल्याचे समोर आल्यानंतर एकच खळबळ उडाली. दरम्यान, काल (2 नोव्हेंबर) या दोन अधिकाऱ्यांपैकी एकाने आत्महत्या केली. चौकशीनंतर हा अधिकारी गायब होता. दुसरीकडे, या प्रकरणारुन राज्यातील राजकीय वातावारणही ढवळून निघाले आहे. विरोधक सावंत सरकारवर निशाण्यावर घेत आहेत. सावंत सरकारचा भोंगळ कारभार पुन्हा एकदा चव्हाट्यावर आल्याचा घणाघात विरोधकांनी केला. यासगळ्यादरम्यान, गोवा फॉरवर्ड पक्षाच्या नेत्यांनी आता या प्रकरणाची एसआयटी चौकशीची मागणी केली. या प्रकरणात मंत्र्यांचाही हात असू शकतो असा आरोप देखील यावेळी गोवा फॉरवर्ड पक्षाच्या वतीने करण्यात आला.