राज्यात अपघाताचं सत्र सुरुच आहे. पावसाळा सुरु झाल्यापासून अपघातांमध्ये मोठी वाढ झाली आहे. यातच आता, गुळे काणकोण येथे भीषण अपघात झाला. या भीषण अपघातात 21 वर्षीय तरुणाचा मृत्यू झाला. ट्रक आणि दुचाकी यांच्यात हा अपघात झाला. पोलिसांना अपघाताची माहिती मिळताच त्यांनी तात्काळ घटनास्ळी पोहोचून तपास सुरु केला. काही दिवसांपूर्वी डिचोलीतून अशीच अपघाताची घटना समोर आली होती, ज्यामध्ये पाच जणांना जीव गमवावा लागला होता.