कळंगुट-बागा मुख्य रस्त्यावर दोन दुचाकींची समोरासमोर जोरदार धडक होऊन झालेल्या भीषण अपघातात एका 25 वर्षीय तरुणाचा उपचारादरम्यान मृत्यू झाला. मृत तरुण कांदोळी येथील रहिवासी होता. बागा येथील एका हॉटेलसमोर हा अपघात घडला. दोन्ही दुचाकींचा वेग जास्त असल्याने ही धडक अत्यंत भीषण होती. या अपघातात अन्य तरुण जखमी झाले असून त्यापैकी एकाची प्रकृती चिंताजनक असल्याचे समजते. घटनेची माहिती मिळताच कळंगुट पोलिसांनी घटनास्थळी धाव घेत पंचनामा केला. वेग आणि निष्काळजीपणामुळे हा अपघात घडल्याचा प्राथमिक अंदाज पोलिसांनी वर्तवला असून अधिक तपास सुरु आहे.