दक्षिण गोवा आणि उत्तर गोव्याला जोडणारा महत्त्वाचा दुवा असलेला बोरी पूल सध्या धोकादायक स्थितीत असून तो कधीही कोसळू शकतो, अशी भीती व्यक्त केली जात आहे. गेल्या काही दिवसांपासून या पुलावरून प्रवास करणाऱ्या हजारो वाहनचालकांनी या धोक्याकडे प्रशासनाचे लक्ष वेधले असून, तातडीने उपाययोजना करण्याची मागणी केली आहे. पुलाच्या सध्याच्या स्थितीमुळे प्रवाशांमध्ये मोठी भीती पसरली आहे.