मंदिरे फोडण्याच्या वाढत्या घटनांमुळे डिचोली शहरात खळबळ माजली असतानाच डिचोली शहरातील एक दुकान फोडण्याची घटना घडली आहे. अज्ञात चोरांनी शहरातील जुन्या बाजारातील एक दुकान फोडून 50 हजारांहून अधिक रुपयांचा ऐवज लंपास केला आहे.

अज्ञात चोरांनी फुलांच्या बाजारासमोरील गल्लीतील अनुज दशरथ नार्वेकर यांचे दुकान फोडून दुकानातील रोख रक्कमेसह अन्य वस्तू मिळून 50 हजारांहून अधिक रुपयांचा ऐवज लंपास केल्याची माहिती मिळाली आहे. बुधवारी मध्यरात्री ही चोरी झाल्याचा अंदाज आहे.