डिचोली येथील वीज कार्यालयाची इमारतीची जीर्ण अवस्था पाहता लवकरच नवीन इमारत बांधण्यात येणार असल्याचे राज्याचे वीजमंत्री सुदिन ढवळीकर यांनी सांगितले. सध्या जीव धोक्यात घालून वीज कर्मचारी येथे काम करत आहेत. तर दुसरीकडे, स्थानिकांचीही गैरसोय होत आहे. हेच लक्षात घेऊन वीजमंत्री ढवळीकर यांनी नवीन इमारतीसाठी सरकारने तब्बल 10 कोटींची तरतूद केली असून लवकरच बांधकाम सुरु करण्यात येईल, सांगितले. यावेळी वीजमंत्री ढवळीकर यांच्यासोबत डिचोलीचे आमदार प्रेमेंद्र शेट देखील उपस्थित होते.