बेतालभाटी येथील सनसेट बीच परिसरात रविवारी मासेमारीसाठी गेलेल्या एका लहान बोटीला अपघात झाला. बोटीचा मोटार पंप अचानक निकामी झाल्यामुळे बोट समुद्रात असंतुलित होऊन उलटली.

घटनेची माहिती मिळताच, दृष्टी मरीन लाइफगार्ड्सचे पथक तातडीने घटनास्थळी दाखल झाले. समुद्रात उलटलेल्या बोटीवरील सर्व 11 कर्मचाऱ्यांना वेगाने आणि सुरक्षितपणे बाहेर काढण्यात आले. लाइफगार्ड्सच्या तत्पर कारवाईमुळे मोठी जीवितहानी टळली.

बचावलेल्या 11 जणांपैकी एका कर्मचाऱ्याची प्रकृती बिघडल्याने त्याला पुढील उपचारासाठी जिल्हा रुग्णालयात दाखल करण्यात आले. उर्वरित सर्व जण सुरक्षित असल्याची प्राथमिक माहिती मिळाली आहे.