Assonora Bus stand Leakage

तेरा वर्षांपूर्वी लोकार्पण केलेल्या अस्नोडाच्या बसस्थानकाला ‘गळती’चे ग्रहण लागले असून, पावसावेळी प्रवाशांना मनस्ताप सहन करावा लागत आहे. बसस्थानकाच्या छपराचे पत्रे कमकुवत झाल्याने ही समस्या उद्भवत आहे, अशी माहिती मिळाली आहे.

गेल्या तीन दिवसांपासून पडणाऱ्या पावसावेळी अनेक प्रवाशांना या ‘गळती’चा कटू अनुभव आलेला आहे. २०११ यावर्षी जानेवारी महिन्यात अस्नोडा येथील कदंब बसस्थानकाचे लोकार्पण करण्यात आले होते. तेव्हापासून या बसस्थानकाच्या देखभालीकडे विशेष लक्ष न दिल्याने ही समस्या निर्माण झाली आहे. या बसस्थानकाच्या कमकुवत छपराची वेळीच डागडुजी केली नाही, तर भविष्यात मोठी समस्या निर्माण होण्याची शक्यता आहे.