टीम इंडियाचा माजी स्टार गोलंदाज आशिष नेहरा याला केळशी पंचायतीनं मोठा झटका दिला. केळशी समुद्रकिनाऱ्याजवळ असलेल्‍या आपल्‍या मालमत्तेत जाण्‍यासाठी वाळूचा पट्टा कापून बेकायदेशीर रस्‍ता तयार केल्‍याचा आरोप असलेला भारताचा माजी क्रिकेटपटू आशिष नेहरा याच्‍या त्‍या कृतीची पंचायतीने गंभीर दखल घेतली आहे. हा वाळूचा पट्टा पुन्‍हा पूर्ववत करावा, अशा आशयाची नोटीस पंचायतीने त्‍याला पाठवली आहे. नेहराच्‍या या बांधकामाला ग्रामस्‍थांनी विरोध केला आहे. ग्रामसभेतही विषय गाजला आहे. आता पंचायत पुढील कारवाई करणार आहे.