आके बायश पंचायतीचे सरपंच प्रदीप आचार्य यांच्यासह उपसरपंच नताशा आग्लेनो डायस तसेच सत्ताधारी गटातील इतर तीन पंच गैरहजर राहिल्याने ग्रामस्थांनी आज (4 ऑगस्ट) ग्रामसभाच बंद पाडली. पंचायतीत जो भ्रष्टाचार चालू आहे त्याबद्दल दक्षता खात्याकडे तक्रार करण्याचा इशारा ग्रामस्थांनी दिला. तसेच पंचायतमंत्री, पंचायत संचालनालयाच्या संचालकांनी यामध्ये लक्ष घालून या पंचायतीचा कारभार बराच काळ स्थगित झालेला आहे त्याबद्दल उपाययोजना करावी, अशी मागणी केली.