डिचोलीतील आमठाणे धरणावर अवलंबून असलेल्या जनतेसाठी मोठा दिलासा मिळाला आहे. या धरणावरील गेट बसविण्याचे काम आता अंतिम टप्प्यात आले असून, पुढील सात ते आठ दिवसांत ते पूर्ण होण्याची शक्‍यता आहे.

जलस्रोत खात्याचे मंत्री सुभाष शिरोडकर यांनी देखील हे काम येत्या २० ऑक्टोबरपर्यंत पूर्ण होणार असल्याचा ठाम विश्वास व्यक्त केला आहे. अंतिम टप्प्यातील काम सध्या युद्धपातळीवर सुरू आहे. वेगवेगळ्या कारणांवरून लांबणीवर पडलेले हे दुरुस्तीकाम पूर्ण कधी होणार, याची सर्वांना प्रतीक्षा लागून राहिली आहे.