गोव्यात अपघाताचे प्रमाण कमी होण्याचे नाव घेत नाही. बुधवारी (१६ एप्रिल) रात्री झालेल्या दोन वेगवेगळ्या अपघातात तिघांचा मृत्यू झाला आहे. गोकुळडेपाडी येथे दुचाकीला बसने दिलेल्या धडकेत दोघांचा मृत्यू झाल्याची घटना उघडकीस आली. याप्रकरणी पोलिसांनी बससह बस चालकाला ताब्यात घेतले आहे. तसेच हरवळे येथे दोन दुचाकींमध्ये झालेल्या अपघातात एकाचा मृत्यू झाला. तर, दोघेजण जखमी झाले आहेत. पोलिस याप्रकरणी अधिक तपास करत आहेत.