फोंडा: गेल्या अनेक दिवसांपासून राज्यात अपघातांचे सत्र सुरु आहे. अशातच आज (दि. २३ ऑक्टोबर) रोजी फोंडा तालुक्यातील गावकर वाडा, उसगांव तिस्क येथे ओमनी गाडीचा भीषण अपघात झाला. वाळपईहून फोंड्याच्या दिशेने येत असताना हा अपघात झाला असून वाहन चालक जखमी झाला आहे. अग्नीशामक दल व पोलिस घटनास्थळी दाखल होत त्यांनी चालकाला उपचारांसाठी हॉस्पिटलमध्ये दाखल केले मात्र अद्याप हा अपघात नेमका कसा झाला याचा शोध लागलेला नाही.