Accident Between Sumo And Fire Brigade Vehicle At Shigao:

शिगाव माटोजे-मेढे येथे अग्निशमन दलाची गाडी व सुमो यांची समोरासमोर धडक झाली. झालेल्या अपघातात टाटा सुमोमधील चालक फादर थॉमस जखमी तर अग्निशमन दलातील कंत्राटी कामगार भोवळ येऊन पडल्याने त्याच्या डोक्याला किरकोळ जखम झाली. फादर थॉमस यांच्या कंबरेला व पायाला इजा झाल्याने त्यांच्यावर मडगाव येथील इस्पितळात उपचार सुरू आहेत. शिगाव काऱ्यामळ येथील सुकुर फर्नांडिस यांच्या घरावर रात्री उशीरा आंब्याचे झाड पडले होते. ते हटवण्यासाठी अग्निशामक दलाचा बंब शिगावमार्गे येत होता. माटोजे मेढे येथील वळणावर बंब पोचला तेव्हा टायर पंक्चर झाला व गाडी दुसऱ्या लेनमध्ये गेली. तेव्हा समोरून आलेल्या सुमोला धडक बसली.