पणजी : १४व्या गोवा मराठी चित्रपट महोत्सवात यंदाही मराठी चित्रपटसृष्टीतील नामांकित कलाकार पाहायला मिळाले. महोत्सवात विविध चित्रपटांच्या विशेष शोला प्रेक्षकांचा उत्स्फूर्त प्रतिसाद मिळत आहे. यावेळी महाराष्ट्राची हास्यजत्रेतून घराघरात पोहोचलेली लोकप्रिय अभिनेत्री शिवाली परब हिनेही आपला आनंद व्यक्त केला.

महोत्सवाबद्दल बोलताना शिवाली परब म्हणाली, “गोवा मराठी चित्रपट महोत्सवात प्रेक्षकांची खूप दाद मिळाली. गोवा मला खूप आवडतं. वेळ मिळाला की मी फिरायला गोव्यात येते. संधी मिळाल्यास गोव्यात चित्रपटात काम करण्याची माझी इच्छा आहे.”

दरम्यान, गोव्यातील कलाकारांनाही मराठी चित्रपटसृष्टीत संधी मिळावी, असे मुख्यमंत्री डॉ. प्रमोद सावंत यांनी केलेल्या वक्तव्याबाबत तिने आपली भूमिका स्पष्ट केली. “मराठी चित्रपटांमध्ये गोव्यातील कलाकारांनाही नक्कीच संधी मिळायला हवी,” असे ती म्हणाली.

गोवा मराठी चित्रपट महोत्सवामुळे महाराष्ट्र आणि गोवा यांच्यातील सांस्कृतिक नाळ अधिक बळकट होत असल्याचे मत अनेक कलाकारांनी व्यक्त केले.