बॉलिवूडमधील प्रसिद्ध गायक आणि अभिनेता 'यो यो हनी सिंग' (Honey Singh) विरुद्ध त्याची पत्नी शालिनी तलवार यांनी घरगुती हिंसाचाराच्य़ा प्रकरणात गुन्हा दाखल केला आहे. दिल्लीच्या तिस हजारी कोर्टाने गायक हनीसिंगला नोटीस देत त्यावर हनिसिंगला उत्तर मागितले आहे.

बॉलीवुडचा प्रसिद्ध कलाकार आणि आपल्या धासु म्युझीकसाठी ओळखला जाणाऱा हनी सिंग अडचणीत सापडला असल्याचे पहायला मिळते आहे. हनी सिंगच्या विरोधात तक्रार दाखल करण्यात आली असुन, तक्रार दाखल करणारी व्यक्ती दुसरी तिसरी कोणी नसुन त्याची पत्नीच आहे. पत्नी शालिनी तलवारनेच हनी सिंग विरोधात तक्रार दाखल केली होती. दिल्लीच्या तीस हजारी कोर्टाने या प्रकरणात गायक हनी सिंगला नोटीस सुद्धा पाठवली आहे.

पत्नी शालिनीने केले गंभीर आरोप

हनी सिंगच्या पत्नीने त्याच्यावर अनेक गंभीर आरोप केले आहेत. शालिनीने हनी सिंग सह त्याच्या आई वडिलांवर देखील शारीरिक हिंसा, लैंगिक हिंसा, मानसिक छळ आणि आर्थिक पिळवणुकीचा आरोप केला आहे. शालिनीने न्यायालयाला सांगितले की, आपली संपत्ती आपल्याला परत करावी आणि ती मालमत्ता जी तिच्या आणि हनी सिंगच्या नावावर आहे, त्यावरही विक्रीसाठी बंदी घालण्यात यावी.