फॅशनच्या नावाखाली भलते सलते कपडे घालून नेहमी चर्चेत राहणाऱ्या उर्फी जावेदचा (Urfi Javed) नवा व्हिडिओ समोर आला आहे. या व्हिडिओत तिने नेहमीप्रमाणे तिच्यासाठी हटके असणारी स्टाईल केली आहे. यापूर्वी तिने माझ्या कपड्याबाबत कुणी बोलू नये अशी तंबी देखील सार्वजनिक ठिकाणी दिली. दरम्यान उर्फीच्या नव्या व्हडिओवरती नेटकरी चांगलेच संतापले असून, लोकांनी विविध प्रतिक्रिया दिल्या आहेत.

उर्फी जावेदने तिच्या इंस्टाग्रामवरून आपल्या नव्या ड्रेसचा व्हिडिओ शेअर केला आहे. यामध्ये तिने साधा टॉप घातलेला दिसत असून, एक वेगळा पुन्हा स्कर्ट दिसत आहे. विशेष म्हणजे उर्फी जावेदने मनगटी घड्याळांचा वापर करून स्कर्ट बनवला आहे. उर्फीच्या स्कर्टमध्ये अनेक मनगटी घड्याळे लटकलेली दिसत आहेत.

या व्हिडिओमध्ये उर्फी जावेद 'मणिहारी' गाणी आणि मनगटी घड्याळाच्या स्कर्टमध्ये स्टायलिश पोज देताना दिसत आहे. व्हिडीओ शेअर करताना उर्फी जावेदने "यार काय वेळ आहे"! असे कॅप्शन दिले आहे. नेटकरी देखील उर्फीच्या या व्हिडिओवरती अनेक कमेंट करताना दिसत आहेत. अनेकांनी उर्फीचे कौतुक केले आहे तर, अनेकांनी उर्फीच्या या व्हिडिओवरती संतप्त प्रतिक्रिया दिल्या आहेत. एका युझरने उर्फी फेमसाठी वेडी झाली आहे अशी कमेंट केली आहे.