अभिनेत्री तुनिषा शर्माच्या आत्महत्या प्रकरणात आता नव्या नव्या गोष्टी समोर येत आहेत. तुनिषाच्या आई वनिता शर्मा यांनी या प्रकरणात तुनिषाचा प्रियकर शाजीन याला जबाबदार धरले आहे. त्यांनी केलेल्या तक्रारीवरुनच शाजीन खान याला पोलिसांनी अटक केली आहे. यानंतर तुनिषाच्या आई वनिता शर्मा यांनी शीजानवर काही गंभीर आरोपही केले आहेत. यासंदर्भातला एक व्हिडीओ व्हायरला झाला आहे ज्यात तुनिषाची आई शीजानने आपल्या मुलीला फसवल्याचं सांगत आहे.

सध्या शीजान पोलिसांच्या ताब्यात असुन त्याच्याकडे पोलीस यासंदर्भात कसुन चौकशी करत आहेत. दरम्यान पोलिसांना शीजानने काही आश्चर्यजनक गोष्टी सांगितल्या आहेत. माझ्यात आणि तुनिषाच्या वयात खुप अंतर त्यामुळे मी हे रिलेशन थांबवलं असं शीजान म्हणाला. पुढे त्याने श्रद्धा वालकर हत्येचा संदर्भ दिला आहे.श्रद्धा वालकर हत्येनंतर मी खुप काळ अस्वस्थ होतो असं शीजानने पोलीसांना सांगितलं.

श्रद्धाच्या हत्या प्रकरणानंतर आपण अस्वस्थ होत ब्रेक-अपचा निर्णय घेतला अशी माहिती शाजीनने पोलीसांच्या चौकशीत सांगितली. श्रद्धाचं वय 20 होतं तर माझं 28 आहे, तेही ब्रेक-अपचं एक कारण होतं असंही पोलिसांना सांगितलं. श्रद्धाचा उल्लेख या प्रकरणात झाल्याने आता भुवया उंचावण्याची वेळ आली आहे.