'Upcoming Movie Kutte' नव्या वर्षात रिलीज होणारा आणि आपल्या नावाने आतापासुन चर्चेत असणाऱ्या विशाल भारद्वाज आणि लव रंजन यांचा आगामी चित्रपट 'कुत्ते' जानेवारीत प्रदर्शित होणार आहे. चित्रपटाचा ट्रेलर रिलीज झाल्यानंतर चित्रपटातल्या नव्याने रिलीज होणाऱ्या गाण्याविषयीची उत्सुकता शिगेला पोहोचली आहे.लव रंजनने सोशल मिडीयावर पोस्ट करत गाणं लवकरच रिलीज करणार असल्याची माहिती मिळाली आहे.

अलीकडेच 'कुत्ते' चित्रपटाचा ट्रेलर प्रदर्शित झाला होता. या ट्रेलरला प्रेक्षकांचा चांगला प्रतिसाद मिळाला. नवोदित दिग्दर्शक आसमान भारद्वाज दिग्दर्शित या चित्रपटात अर्जुन कपूर, कोंकणा सेन शर्मा, नसीरुद्दीन शाह, कुमुद मिश्रा, राधिका मदन, शार्दुल भारद्वाज आणि तब्बू हे सगळे तगडे कलाकार प्रमुख भूमिकेत दिसतील. हा चित्रपट आसमान आणि विशाल भारद्वाज यांनी लिहिला आहे.

लव फिल्म्स आणि विशाल भारद्वाज फिल्म्सच्या बॅनरचं मोठं नाव लाभलेला हा चित्रपट लव रंजन, विशाल भारद्वाज, अंकुर गर्ग आणि रेखा भारद्वाज यांची निर्मिती आहे. 'कुत्ते'हा चित्रपट गुलशन कुमार आणि भूषण कुमार यांच्या टी-सीरीजद्वारा प्रस्तुत आहे. तसेच, या चित्रपटाचे गीतकार गुलजार असुन विशाल भारद्वाज यांचं संगीत चित्रपटाला असेल. 'कुत्ते' 13 जानेवारी 2023 रोजी प्रदर्शित होईल.