चित्रपटाचे नियोजित प्रदर्शन रद्द केल्याबद्दल आणि हिंदूंच्या भावना दुखावल्याचा आरोप भारतीयांकडून झालेल्या टीकेनंतर, कम्युनिडेड हिंदू डी पोर्तुगालने (सीएचपी) स्पष्टीकरणात म्हटले आहे की ते आपल्या 'जेव्ही गोकल' सभागृहात चित्रपट प्रदर्शित करू इच्छित नाहीत. त्यांना विविध धर्माच्या समुदायांमध्ये फूट पाडण्याचे एक साधन व्हायचं नाही, आम्हाला विविध धर्माच्या व्यक्तींना शांतता आणि सद्भावनेत एकत्र आणायचं नाही.

हेरॉल्डच्या वृत्तानुसार त्यांनी आपल्या सदस्यांना उद्देशून एक पत्र लिहिलेलं आहे. या पत्रात त्यांनी गोव्यातला जे.व्ही गोकल सभागृहातला द केरळ स्टोरीचा शो कॅन्सल करण्याचं उत्तर दिलं आहे.

या पत्रात ते म्हणतात “आम्ही चित्रपटाच्या विरोधात नाही पण त्यातील आशय आणि संदेश यामुळे धार्मिक भावना दुखावल्या जाऊ शकतात. हा चित्रपट धार्मिक अतिरेक्यांद्वारे हिंदू मुलींचे इस्लाममध्ये धर्मांतर करण्याशी संबंधित आहे,  

सीएचपी अशा कृत्यांचा तीव्र शब्दात निषेध करते आणि या वर्तनाला बळी पडलेल्यांबद्दल सहानुभूती व्यक्त करते,” सीएचपी संचालक म्हणाले. मुस्लिम, ज्यू, ख्रिश्चन इत्यादींसह सगळ्या धर्मांशी आमचा उत्तम संवाद राहील.

विशेषत: द केरळ स्टोरीच्या संदर्भ देत, स्पष्टीकरण पत्रात नमूद केले आहे: “अलीकडे सीएचपीवर, विशेषत: सोशल नेटवर्क्समध्ये हिंदूसाठी 'भावना' नसल्याबद्दल आरोप केले गेले आहेत. “जर आपली कृती आणि आपले कार्य पोर्तुगीज समाजाच्या सेवेसाठी आणि हिंदूंच्या आणि भारतीय लोकांच्या सेवेसाठी समर्पित असेल, तर आपल्याला जो संदेश द्यायचा आहे त्याच्याशी सुसंगत असले पाहिजे. 

आमचा असा विश्वास आहे की, धर्म किंवा राष्ट्रापेक्षा, ही कार्ये, ही सेवा आणि हे तत्त्वज्ञान आपल्याला खरे हिंदू बनवते,” असे त्यात म्हटले आहे. " गैरसोयीबद्दल मनापासून दिलगीर आहोत, असे म्हणत हा एक कठीण निर्णय होता परंतु ठाम होता असेही सांगितले."

कम्युनिडेड हिंदू डी पोर्तुगालचे डायरेक्टर म्हणाले की CHP साठी मोझांबिकपासून पोर्तुगालमध्ये मैत्रीपूर्ण आणि शांततापूर्ण असलेल्या विविध मुस्लिम समुदायांशी असलेले उत्कृष्ट संबंध जपणे महत्वाचे आहे. 

"आमच्यासाठी, आंतर-धर्मीय संवाद, सहकार्य आणि सहयोग, समुदायातील सहभाग, संघटनावाद आणि , मूल्ये, जी आपण आपल्या मुलांपर्यंत पोचवायची आहेत, ती महत्त्वाची आहे. आणि हा चित्रपट वादविवाद आणि वादांना प्रोत्साहन देण्यापेक्षा जास्त काही करत नाही,” .

तत्पूर्वी, CHP ने सांगितले की रद्द करण्याचे आणखी एक कारण त्यांना समाजात संदेश पाठवायचा आहे.

“आमच्या मंदिराच्या प्रवेशद्वारावर धार्मिक चिन्हे आहेत जी केवळ हिंदू नाहीत; आमच्या बागेत अहिंसेच्या नावाखाली मरण पावलेल्या व्यक्तीचा पुतळा आहे आणि लोकांनी धार्मिक मतभेद बाजूला ठेवण्यासाठी उपोषणही केले आहे,” असंही या पत्रात नमूद केले आहे.