सध्या भारतीय बॉक्स ऑफिसवर दाक्षिणात्य चित्रपटांचा बोलबाला आहे. अनुपम खेरचा चित्रपट 'द काश्मीर फाइल्स'ने भरपूर कमाई केली, मात्र जॉन अब्राहमचा नुकताच प्रदर्शित झालेला 'अटॅक' हा चित्रपट आपली छाप सोडू शकला नाही. प्रेक्षकांनी RRR चित्रपटाला सर्वाधिक पसंती दिली. या चित्रपटाने जगभरात 1000 कोटींहून अधिक कमाई केली आहे. (The Kashmir Files and RRR earn two hundred crores at box office)

विश्लेषक तरण आदर्श यांच्या अहवालानुसार, राम चरण आणि ज्युनियर NTR यांचा चित्रपट (Movie) RRR ने हिंदी प्रेक्षकांमध्येही आपली छाप सोडली आहे. या चित्रपटाने 2 आठवड्यात 200 कोटींची कमाई केली आहे. दुसऱ्या आठवड्याबद्दल बोलायचे झाल्यास, चित्रपटाने शुक्रवारी 13.50 कोटी, शनिवारी 18 कोटी, रविवारी 20.50 कोटी, सोमवारी 7 कोटी, मंगळवारी 6.50 कोटी आणि बुधवारी 5.50 कोटींची कमाई केली आहे. हिंदीत भाषांतर झालेल्या RRR चित्रपटाचे आतापर्यंत एकूण 203.49 कोटी कमाई केली आहे.

RRR सोबतच काश्मीर फाइल्सलाही प्रेक्षकांची पसंती मिळत आहे. हे दोन्ही चित्रपट पाहण्यासाठी लोकांची गर्दी होत आहे. काश्मीर फाइल्स आता 250 कोटींचा आकडा गाठण्याच्या अगदी जवळ आहे.