Tamannaah Bhatia At USA: अभिनेत्री तमन्ना भाटिया सध्या सर्वत्र चर्चेत आहे. एकीकडे त्याच्या वेब सीरीज आणि चित्रपट एकापाठोपाठ हिट होत असताना दुसरीकडे तिला तिच्या आयुष्यातील सर्वात मोठा सन्मान देण्यात आला आहे.

तमन्नाला अमेरिकेतील न्यू जर्सी येथील एनजे इंडिया परेडमध्ये सहभागी होण्याची संधी मिळाली. त्यात तिचा ग्रँड मार्शल म्हणून गौरव करण्यात आला. तमन्नाने ग्रँड मार्शल म्हणून इंडिया परेडमध्ये भाग घेतला आणि स्वातंत्र्याचा महोत्सव साजरा केला आहे.

NJ परेडमध्ये भारतीय-अमेरिकन कॅलेंडर देखील प्रदर्शित केले गेले होते, जे आपल्या देशाची संस्कृती, परंपरा आणि राष्ट्राच्या कामगिरीबद्दल माहीती देते. या कार्यक्रमात नृत्य, संगीत आणि देशाची विविधता दाखवण्यात आली आहे. तमन्ना भाटिया ग्रँड मार्शल म्हणून त्याचा एक भाग बनली आहे. 2017 मध्येदेखील या इंडिया डे परेडमध्येही त्यांनी भाग घेतला होता.

तमन्ना भाटियाच्या मुव्ही प्रोजेक्टबद्दल बोलायचे तर ती नुकतीच रजनीकांत स्टारर 'जेलर' मध्ये दिसली आहे, ज्यामध्ये तिचे 'कवाला' हे गाणे खूप हिट होताना दिसत आहे. 'गदर 2' आणि 'OMG 2' सोबत 11 ऑगस्टला रिलीज झालेल्या 'जेलर'ने अवघ्या तीन दिवसांत जगभरात 222.10 कोटी रुपयांची कमाई केली आहे.

या चित्रपटात देशभरात 127.10 कोटींची कमाई केली आहे. याशिवाय तमन्ना 'लस्ट स्टोरीज 2' आणि 'भोला शंकर' या वेब सीरिजमध्ये दिसली होती. तिच्याकडे आता तीन चित्रपट आहेत, ज्यात हिंदी चित्रपट 'वेद', एक तामिळ आणि एक मल्याळम चित्रपट आहे. सध्या या चित्रपटांचे शूटिंग सुरू आहे.