बॉलिवूडमधील प्रसिध्द अभिनेत्री सुष्मिता सेनचा भाऊ राजीव सेनने (Rajeev Sen) 2019 मध्ये अभिनेत्री चारु असोपा (Charu Asopa) शी लग्नगाठ बांधली होती. अगदी थाटामाटात या दोघांचा विवाहसोहळा पार पडला. आता राजीव-चारु लवकरच घटस्फोट घेणार असल्याच्या चर्चां समोर आल्या आहे. दोघांनी हा निर्णय का घेतला? हे अद्यापही स्पष्ट झालेलं नाही. पण दोघं लवकरच घटस्फोट घेणार असल्याचं बोललं जात आहे. (sushmita sen Brother latest News)

‘ये रिश्ता क्या कहलता है’, ‘मेरे अंगने में’ या हिंदी मालिकांमुळे चारुला प्रसिध्दी मिळाली. तिने राजीवशी लग्न करत आपल्या नवीन आयुष्याला सुरुवात केली. पण आता दोघांमध्ये सतत वाद होत असल्याचं समोर आलं आहे. मिळालेल्या माहीतीनुसार चारु आणि राजीवमध्ये सध्या वाद सुरु आहेत. गेल्या काही दिवसांपासून दोघांमध्ये मतभेद देखिल होत आहेत. शिवाय वाद बाजूला करत आपलं नातं टिकवण्याचा चारु-राजीवने प्रयत्न केला.

पण प्रत्यक्षात असे काहीच घडलं नाही. इतकंच नव्हे तर दोन्ही कुटुंबियांनी चारु-राजीवमधील वाद मिटवण्याचा प्रयत्न केला. मात्र त्यांच्या प्रयत्न अपयश ठरला आहे. दोघांनी बहुदा कायदेशीररित्या घटस्फोट घेण्याचा निर्णय घेतला आहे. सेन कुटुंबियांना देखील त्यांचा हा निर्णय ऐकून धक्का बसला आहे.

चारु-राजीवला सात महिन्यांची झियाना नावाची मुलगी देखील आहे. मुलीच्या जन्मानंतर देखील या दोघांमध्ये वाद हे सुरुच राहिले. इंन्स्टाग्रमावर (Instagram) चारु राजीवला फॉलो देखील करत नाही. इतकंच नव्हे तर तिने राजीवबरोबरचे फोटो देखील इन्स्टाग्राम अकाऊंटवरुन डिलीट केले आहेत.