Jacqueline Fernandez: सुकेश चंद्रशेखर हा २०० कोटी रुपयांच्या खंडणी प्रकरणात दिल्लीच्या तिहार तुरुंगात बंद आहे. आता सुकेशने पुन्हा एकदा तिहार बॉलिवूड अभिनेत्री जॅकलिन फर्नांडिसला पत्र पाठवले आहे. हे पत्र सोशल मिडियावर व्हायरल होताना दिसत आहे.

नवरात्री निमित्त सुकेशने जॅकलीनला पत्र लिहले असून पत्राची सुरुवात करताना त्याने अभिनेत्रीला वाघीण म्हटले आहे. अवतीभोवतीची सगळी नकारात्मकता दूर करण्यासाठी ९ दिवस उपवास करणार असणार असल्याचे सुकेशने आपल्या पत्रात म्हटले आहे. इथून पुढे सगळे आपल्याला वाटते तसे होईल आणि सत्याचा विजय होईल.

काहीही झाले तरी आपण लवकरच एकमेकांच्या सोबत असू असेही सुकेश जॅकलीनला लिहलेल्या पत्रात म्हटले आहे. आपल्यावरील एकही आरोप खरा ठरणार नाही. याबरोबरच उपवासाच्या ९ व्या दिवशी मी वैष्णोदेवीच्या मंदिरात आणि महाकालेश्वर मंदिरात पूजा तुझ्या आणि माझ्यासाठी पूजेचे आयोजन करणार आहे. लवकरच सगळ्यांना सत्य कळेल असा या पत्राचा आशय आहे.

दरम्यान, 200 कोटी रुपयांच्या मनी लाँड्रिंग प्रकरणातील आरोपी सुकेश चंद्रशेखर तिहार तुरुंगात बंद आहे. यावेळी रॅनबॅक्सीचे माजी मालक शिविंदर सिंग यांच्या पत्नी आदिती सिंग यांची फसवणूक केल्याचा आरोप त्याच्यावर आहे.

ईडी या प्रकरणाचा तपास करत आहे. खंडणी प्रकरणातील साक्षीदार जॅकलिन फर्नांडिस हिचीही ईडीने चौकशी केली होती आणि नंतर तिला दिल्ली न्यायालयाने जामीन मंजूर केला होता.