बॉलिवूड अभिनेत्री सोनम कपूर सध्या तिचा प्रेग्नेंसी पिरेड खूप एन्जॉय करत आहे. मीडिया रिपोर्ट्सनुसार, सोनमचा आता तिसरा ट्रायमेस्टर सुरू आहे. ती लवकरच पती आनंद आहुजासोबत तिच्या पहिल्या मुलाचे स्वागत करणार आहे. दरम्यान, आई होणारी सोनम कपूर पुन्हा एकदा ग्रॅंड बेबी शॉवर करणार आहे. ज्याचे आयोजन तिचे वडील अनिल कपूर मुंबईत करत आहेत. त्यासाठी तिने अनेक प्रसिद्ध बॉलिवूड स्टार्सना आमंत्रित केले आहे. (Sonam kapoor baby shower)

सध्या सोनम पती आनंदसोबत लंडनमध्ये आहे. जिथे तिने नुकताच बेबी शॉवर शूट केला आहे.आता लंडननंतर सोनम पुन्हा एकदा तिच्या बेबी शॉवरचे विधी मुंबईत करणार आहे. तिच्या कुटुंबातील सदस्यांनी तिच्या भव्य बेबी शॉवर पार्टीचे आयोजन केले आहे.

सोनमच्या बेबी शॉवर पार्टीचे आयोजन तिची मावशी कविता सिंह यांच्या वांद्रे येथील बंगल्यावर होणार आहे. जिथे दोघांचे लग्न पार पडले होते. हा भव्य सोहळा 17 जुलै रोजी आयोजित केला जाईल ज्यामध्ये अनेक प्रसिद्ध सेलिब्रिटी उपस्थित राहतील आणि बाळाच्या जन्मासाठी आशीर्वाद देतील.

स्वरा भास्कर, करीना कपूर खान, करिश्मा कपूर, अमृता अरोरा, मलायका अरोरा, आलिया भट्ट, नताशा दलाल, जॅकलीन फर्नांडिस, दीपिका पदुकोण, मसाबा गुप्ता आणि राणी मुखर्जी या अभिनेत्री सोनमच्या बेबी शॉवर पार्टीला हजेरी लावणार आहे. सोनम कपूरच्या घरातील जान्हवी कपूर, खुशी कपूर, शनाया कपूर, अंशुला कपूर, अर्जुन कपूर, मोहित मारवाह हे देखील उपस्थित राहणार आहेत.

कपूर आणि आहुजा फॅमिली एक्साईटेड

कपूर आणि आहुजा फॅमिली सोनमच्या प्रेग्नेंसीबद्दल खूप उत्सुक आहे. काही दिवसांपूर्वी, एका मुलाखतीदरम्यान, सोनमचे वडील अभिनेता अनिल कपूर यांना तिच्या आई होण्याबद्दल विचारण्यात आले आणि त्यांनी उत्तर दिले, "जेव्हा मला सोनमच्या गर्भधारणेबद्दल कळले तेव्हा मी भावूक झालो आणि मला खूप आनंद झाला. कारण ती खूप वेगळी भावना आहे. मात्र अशा परिस्थितीत सोनमने कधीही ओव्हर प्रोटेक्टिव आई बनू नये असे मला वाटते."