बॉलिवूड अभिनेत्री सोनम कपूरच्या आयुष्यात अखेर तो क्षण आला आहे, ज्याची ती अनेक महिन्यांपासून वाट पाहत होती. सोनम कपूर आणि आनंद आहुजा (Sonam Kapoor, Anand Ahuja) यांच्या घरी आज खूप आनंदाचा क्षण असून, सोनम कपूरने एका गोंडस मुलाला जन्म दिला आहे.

हो ! सोनम कपूर आई झाली आहे. तिने एका मुलाला जन्म दिला आहे. सोनमचे चाहते या दिवसाची आतुरतेने वाट पाहत होते. या बातमीने साहजिकच आहुजा कुटुंब आणि कपूर कुटुंबीय खूप खूश आहेत. आई आणि मुलगा दोघेही निरोगी असल्याचे डॉक्टरांकडून सांगण्यात आले आहे.

बॉलिवूड अभिनेत्री आणि आलिया भट्टची (Alia Bhatt) सासू नीतू कपूर (Neetu Kapoor) यांनी या वृत्ताला दुजोरा देत सोनम-आनंदचे अभिनंदन केले आहे. नीतू कपूरने तिच्या इंस्टाग्राम स्टोरीवर शुभेच्छा देणारे एक लव्ह कार्ड शेअर केले आहे. सोनम कपूरने देखील हेच कार्ड आपल्या इंस्टाग्राम अकाऊंटवर शेअर केले आहे.

नीतू कपूर यांनी असे लिहिले आहे की, '20 ऑगस्ट रोजी आम्ही एका सुंदर मुलाचे स्वागत केले. या प्रवासात सहकार्य करणाऱ्या सर्व डॉक्टर्स, परिचारिका, मित्रपरिवार आणि कुटुंबीयांचे खूप खूप आभार. ही फक्त सुरुवात आहे, परंतु आपल्याला माहित आहे की आता आपले जीवन पूर्णपणे बदलले आहे. सोनम आणि आनंद. अनिल कपूर आणि सुनीता कपूर (Anil Kapoor, Sunita Kapoor) यांचे अभिनंदन.'